في ناس قلبها لله بتحب جبر الخواطر

واقفين عند بياع الفول عم نشتري فطور يوم الجمعة بمرقة ولد حامل ربطتين خبز وقف عند الحمصاني سحب رغيف خبز من الربطة وقله عمو الله يوفقك مامعي غير ألف ليرة حطلي فيها مسحة مسبحة لافطر فيها وانا بلفها!!

واقف حجي كبير بالعمر مبين عليه منعم وخواجة وابن عز عم يستنى الحمصاني ليعبيله طلبه صرخ على البياع قله لاتعطيه رجع الرغيف عمي على ربطة الخبز وربط الكيس وتعال لعندي الله يرضى عليك تعال عمي تعال قله للبياع حطلي ٣ نصاصي لحال مع كيس فقسة ومخلل وناولني ياهم اخدهم وعطاهم للولد وقله مسك عمي أنا اليوم عازمك على الفطور على روح النبي بوشك على البيت فوراً لاتتأخر على أهلك زبط فطور على كيفك وعمل صحن مسبحة على مهلك واذا سألك ابوك من وين جايبهم قلوا هاد الفطور على روح سيدنا النبي محمد صلى الله عليه وسلم

الولد اخد الكيس وربطة الخبز متل يلي آخد الجائزة الكبرى وبريم مشي على بيته وابتسامته الخجولة واضحة على تصرفاته

سبحان الله في ناس قلبها لله ولساتها بتتصرف بأيام البركة والتوكل على الله

الله يجزيه الخير للحجي جبر بخاطر هل الولد وخلانا نترحم على النبي ونصلي عليه

منقول ٠٠٠